رجاله و عاشوا ليكى يا مصر للنفس الأخير
قالوا أمن بلدنا واجب مهما هيكون المصير
ماخافوش ابدا فى يوم غير ربنا ووقت السؤال
دول اللى عشان خاطرنا ياما منهم دم سال
دولا يا مصر بجد وردك اللى زيه مافيش
حلفوا بكل شبر فى ارضك قالوا مصر تعيش
دول رجاله بصحيح و لا اى ريح هزت قلوبهم
رجاله و مخلصين و مقدرين طبعا تعبهم
قال مصر فداها دمى و مش هسمى على الأعادى
قالها و بأعلى صوت .. إيه يعنى أموت و تعيش بلادى
عاشت ولادى .. هما أمان بلادى
عاشوا لمصر و قالوا فداها .. ده الواجب و العادى
عاشت و عاشوا .. دول ياما عنها حاشوا
دول على مر العمر سندها و الحاضر و الماضى
الأمن و الأمان ولاد بلدنا المخلصين
حفظوا العهد اللى عاهدوا الله عليه وفوا اليمين
و انتوا معانا إحنا بحسكم مطمنين
عن مصر و شعب مصر بقول لكم متشكرين
دولا ولاد البلد دى و فى التحدى بجد بانوا
راجل ما عرفش خوف رغم الظروف واقف مكانه
رجاله ما فيش كلام شجعان تمام خيرة ولادنا
قلوب مليانه خير حب الضمير لتراب بلدنا
عاش اللى مخلينا ...
فى أمان و بيحمينا ..
جينا نقول شكرا كان رده .. ده واجب علينا
عاش كل اللى حاببها ..
و اللى بيحمى ترابها ..
حالف بالله عمره ما يرجع و لا فى الشده يسيبها
ليست هناك تعليقات:
إرسال تعليق