لا للإرهــــاب

لا للإرهــــاب


لا ليكو مله ولا ليكو دين .. هو انتو ليه مستغبيين ؟!!
وليه عقولكو مصديين .. !!
مش تفهموا
إن البلد دى مش لكم .. ولا فكرنا هو فكركم
ولا حلمنا هو جهلكم
د أنتم شوية نصابين .. لا ليكو مله ولا ليكو دين

واحنا جموع المصريين .. بنقولكم
الأرض قرفت منكم .. والناس بتلعن ذكركم
ماتغورو يا للا بشكلكم .. على بعضكم..يا ولاد ستين
د أنتم شوية نصابين .. لا ليكو مله ولا ليكو دين


الأرض طاهره بأهلها .. وانتم جراد مش منها
ولا تستحقوا إسمها .. ياللى نزعتوا أمنها
وقلوبكوا عامية ومش حاسين
د أنتم شوية نصابين .. لا ليكو مله ولا ليكو دين


أنتم مكانكم فى الحظيره .. يا شله من خرفان حقيره
ياعمه فالصو ودقن عيره .. ومن بلادنا منبوذين
د أنتم شوية نصابين .. لا ليكو مله ولا ليكو دين


انتو مالكوا بالحضارة .. يا عقول شايله الحجارة
الف ميت مليون خسارة .. ع الدماغ المغشوشين
والعيون المكفوفين
د أنتم شوية نصابين .. لا ليكو مله ولا ليكو دين

واحنا جموع المصريين .. بنقولكم
الأرض قرفت منكم .. والناس بتلعن ذكركم
ماتغورو يا للا بشكلكم .. على بعضكم..يا ولاد ستين
د أنتم شوية نصابين ...