إنتوا مين و إحنا مين ؟!! .... أنتوا خونه و كدابين

انتوا خونه وكدابين .. انتوا شلة سفاحين
احنا ملاك البلد دي .. وانتو شلة متطرفين
انتوا مين واحنا مين

انتوا غلطه على اللي جابكوا .. غلطه اصلا ع اللي سابكوا
انتوا عار ع اللي انتخبكوا .. وهما فعلا ندمانين
انتوا مين واحنا مين

 
انتوا عالم مش تمام .. انتوا مبدأ الانقسام
واحنا حراس المقام .. شعب مصر المخلصين
انتوا مين واحنا مين

انتوا كل تاريخكوا زور .. انتوا ناس مالكمش دور
واحنا ملحمة العبور .. واحنا لسه مكملين
انتوا مين واحنا مين

انتوا سكه ومش طويله .. في اتجاه عكس الفضيله
لاحقوا ع الخيبه التقيله .. وانتوا بس الخسرانين
انتوا مين واحنا مين

 
انتوا جايين من مجاعه .. منهج الحكم في جماعه
واحنا عايشين بالقناعه .. مهما ضاقت مبسوطين
انتوا مين واحنا مين

 
انتوا ناس مش م البلد دي .. عايزه تاخد مش بتدي
ضد فكر خرابها فردي .. قمتوا خاربين اجمعين
انتوا مين واحنا مين

 
انتوا انصار الخراب .. انتو مشروع السراب
استعدوا للحساب .. وانتوا فعلا مرعوبين
انتوا مين واحنا مين

 
انتوا جيتو في وقت غفله .. والعقول م الثوره قافله
بس بكره حاتبقى حفله .. وانتوا طبعا معزومين
انتوا مين واحنا مين

 
انتوا خدتوا الدوله منا .. بس لسه الوقت بينا
بكره جاي والله يعينا .. هو رب المظلومين
انتوا مين واحنا مين

 
انتوا عنوان السماجه .. اسطوات فن الفجاجه
انتوا حاجه واحنا حاجه .. احنا فينا ايمان دفين
احنا لسه نسيج متين .. وانتوا طبعا معروفين
انتوا شلة متطرفيين
احنا فييييييييييييييييين وانتوا فيييييييييييييين