ما تغنى ويانا

بنغنى للحياه ما تغنى ويانا
بكره اللى تاه نلقاه حيهل فى غنانا
هونها تهون و ده مهما يكون
قلوبنا بالخير مليانه .. ما تغنى ويانا

==========

لسه فى أمل لسه الجايات كتير
ماهو قالوا فى المثل لسه فى الدنيا خير
بيجى النور فى ثانيه و الدنيا حتبقى دنيا
ما تحاول مرة تانيه .. ما تحاول مرة تانيه .. لسه فى أمل

و هيحلو الجو لو نطلع سوا فى الهوا
تيجوا فى الحال و التو تيجوا ننسى الحزن سوا
سيبكوا م اللى يصيبكوا
ما يصيبكوا إلا نصيبكوا
للهم ليلاتى ما أسيبكوا لو ننسى كلمة لو
هونها تهون و ده مهما يكون
قلوبنا بالخير مليانه .. ما تغنى ويانا
بنغنى للحياه ما تغنى ويانا
بكره اللى تاه نلقاه حيهل فى غنانا

=============

بكرة الجاى اجمل و احلى م النهارده .. احلى م النهارده
و الجرح مسيره يرحل و تلقى مكانه ورده .. تلقى مكانه ورده
دوام الحال محال
حتى الصعب المحال
بالصبر إن كان جبال هيزول و الفرحه تكمل

و حتحلو الأغانى و الشمس الغايبه هترجع
اعشق و احب تانى و احاول إيه اللى يمنع
الحب ليه نخاصمه و الشوق عايزين نقاسمه
ما تنسى وهم إسمه الحب الأولانى
هونها تهون و ده مهما يكون
قلوبنا بالخير مليانه .. ما تغنى ويانا
بنغنى للحياه ما تغنى ويانا
بكره اللى تاه نلقاه حيهل فى غنانا

============

ده زمان دوار بيلف يلف و يلففنا سوا
و لا جرح إلا و بيخف يخف و الهوا أجمل دوا
يللا اهو حب و ضاع
ايه يعنى غرام و إتباع
ليه نعيش بين لقا ووداع
و يضيع عمرنا فى الهوا

و انا عمر ما كان فى بالى هفرح من تانى و أبدأ
حبيت و أهو بالنسبالى الخير و الحب مبدأ
الحزن زمان عشقته
بعد ما الشوق فارقته
الحب اهو جه فى وقته
و نوره جه رمانى
هونها تهون و ده مهما يكون
قلوبنا بالخير مليانه .. ما تغنى ويانا
بنغنى للحياه ما تغنى ويانا
بكره اللى تاه نلقاه حيهل فى غنانا