من وسط كل ولادها عارفه إنك كبيرهااااااااااااااا

تسلم ايدينك
ياللى فى حب مصر بتضحى بسنينك
ياللى انت وفيت وعد كان بينها وبينك
ياللى انت كنت شايلها دايما جوة عينك
تسلم إيدينك
ياللى انت شايل هم بلدك فوق كتافك
كل اللى عرفك واللى قابلك واللى شافك
بيدعى باسم مصر ليك الله يعينك

وقت أما تزعل مصر بتطيب خاطرها
دايما قصاد الدنيا بترد إعتبارها
يا اللى مشيت وياها فى السكه لأخرها
من وسط كل ولادها عارفه إنك كبيرها
 
تسلم إيدينك
يا اللى مسبتش مصر أبدا وقت ضيقه
يا اللى إنت متخلتش عنها لو دقيقه
يا اللى إنت شايف مصر فى عنيك الحقيقه
تسلم إيدينك
يا اللى لمصر بس حسيت بإنتمائك
و بكبريائها كان بيكمل كبريائك
و كتير ترابها أتبل من عرق جبينك

وقت أما تزعل مصر بتطيب خاطرها
دايما قصاد الدنيا بترد إعتبارها
يا اللى مشيت وياها فى السكه لأخرها
من وسط كل ولادها عارفه إنك كبيرها.